एलजीका घरायसी उपकरणमा २५ प्रतिशतसम्म ‘क्यासब्याक’, दशैँ–तिहार अफर छठसम्म (भिडिओ)

दक्षिण कोरियाली विद्युतीय उपकरण निर्माता कम्पनी एलजी इलेक्ट्रोनिक्सले नेपाली बजारमा घरायसी प्रयोजनका विभिन्न विद्युतीय उपकरण उपलब्ध गराउँदै आएको छ। कम्पनीले टेलिभिजन, फ्रिज, वासिङ मेसिन, माइक्रोवेभ ओभन, भ्याकुम क्लिनर, अडियो सिस्टम, एयर कन्डिसनरदेखि वाटर प्युरिफायरसम्मका उत्पादन नेपाली बजारमा बिक्री गर्दै आएको छ। चौधरी ग्रुपअन्तर्गतको सिजी इलेक्ट्रोनिक्समार्फत नेपाली बजारमा उपलब्ध एलजीका उत्पादनमा ग्राहकलाई लक्षित गर्दै कम्पनीले दशैँ, तिहार तथा छठ पर्वका अवसरमा विशेष योजना पनि ल्याएको छ।

कम्पनीले आफ्ना विभिन्न उत्पादनको खरिदमा २५ प्रतिशतसम्म क्यासब्याक र हात खाली नहुने उपहारको व्यवस्था गरेको छ। सीजी इलेक्ट्रोनिक्सका एलजीका सेल्स हेड पुरुषोत्तम भण्डारीका अनुसार कम्पनीले ग्राहकको आवश्यकता र क्रय क्षमतालाई ध्यानमा राखेर विभिन्न प्रकार र क्षमताका उत्पादन उपलब्ध गराउँदै आएको छ। 'हामीसँग ग्राहकलाई घरमा आवश्यक पर्ने अधिकांश घरायसी विद्युतीय उपकरण उपलब्ध छन्।

टेलिभिजन, रेफ्रिजेरेटर, वासिङ मेसिन, माइक्रोवेभ ओभन, भ्याकुम क्लिनर, अडियो सिस्टम, एयर कन्डिसनरलगायतका उत्पादन छ। साथै कम्पनीले हालै वाटर प्युरिफायर पनि नेपाली बजारमा ल्याएको छ', भण्डारीले भने। एलजी विश्व बजारमा टेलिभिजन तथा घरायसी विद्युतीय उपकरण उत्पादन गर्ने स्थापित दक्षिण कोरियाली ब्रान्ड हो।