आईजीपी हटाउने निर्णय सरकारको, पार्टीको होइन : रास्वपा प्रवक्ता (भिडिओ)

राष्ट्रिय स्वतन्त्र पार्टीका प्रवक्ता तथा सांसद जगदीश खरेलले प्रहरी महानिरीक्षक (आईजीपी) दानबहादुरलाई पदबाट हटाउने विषयमा आफ्नो पार्टीले सरकारलाई कुनै पनि निर्देशन नदिएको स्पष्ट पारेका छन्। आइतबार बिहान त्रिभुवन अन्तर्राष्ट्रिय विमानस्थलमा सञ्चारकर्मीहरूसँग कुरा गर्दै प्रवक्ता खरेलले आईजीपीलाई हटाउने वा पदमा कायम राख्ने निर्णय पूर्ण रूपमा सरकारको अधिकार र विवेकमा निर्भर रहने बताएका छन्।

उनले यस विषयमा पार्टीको कुनै संलग्नता वा हस्तक्षेप नरहेको दाबी गरेका छन्। सरकारले लिने यस्ता प्रशासनिक निर्णयहरूमा पार्टीले निर्देशन दिने वा नदिने भन्ने सन्दर्भमा उनले सरकारको निर्णय प्रक्रियामा पार्टीको भूमिका नरहेको प्रस्ट्याएका हुन्।