कञ्चनपुरमा सामुदायिक वनका पूर्वअध्यक्ष मृत फेला

मृत फेला पर्नेमा मटेनास्थित रामटोलका ५१ वर्षीय देवसिंह कार्की रहेका छन्। उनी बिहीबार बिहान रामटोलस्थित सडक छेउको कल्भर्ट नजिक मृत अवस्थामा फेला परेका हुन्।

कार्की बुधबार घरबाट निस्किएका थिए। तर बिहीबार बिहान उनी मृत अवस्थामा फेला परेको प्रहरीले जनाएको छ।

उनको मृत्युको कारण भने खुल्न सकेको छैन। जिल्ला प्रहरी कार्यालय कञ्चनपुरका डीएसपी टेक रावतका अनुसार कार्कीको शव परीक्षणका लागि महाकाली प्रादेशिक अस्पतालमा राखिएको छ।