उदाउँदो मात्र होइन, अस्ताउँदो सूर्यलाई पनि उत्तिकै सम्मान गर्नुपर्छ : प्रधानमन्त्री शाह

प्रधानमन्त्री बालेन्द्र शाहले छठ पर्वको अवसरमा शुभकामना सन्देश जारी गर्दै उदाउँदो सूर्यलाई जस्तै अस्ताउँदो सूर्यलाई पनि उत्तिकै श्रद्धा र सम्मान गर्नुपर्ने बताएका छन्। छठ पर्वले जीवनको गहिरो दर्शन सिकाउने उल्लेख गर्दै उनले यस पर्वको सबैभन्दा महत्त्वपूर्ण पक्ष प्रकृतिप्रतिको कृतज्ञता र जीवनका हरेक अवस्थालाई समान रूपमा सम्मान गर्ने परम्परा भएको बताए।

चार दिनसम्म विधिपूर्वक मनाइने छठमा नहाय–खाय, खरना, अस्ताउँदो र उदाउँदो सूर्यलाई अर्घ्य दिने परम्परा रहेको उनले स्मरण गरे। सरकार सबै धर्म, संस्कृति र परम्पराको संरक्षण गर्न प्रतिबद्ध रहेको बताउँदै प्रधानमन्त्री शाहले छठले देशमा सुशासन, सामाजिक न्याय र समृद्धिको संकल्प पूरा गर्न प्रेरणा दिने विश्वास व्यक्त गरे।

उनले मैथिली भाषामा समेत शुभकामना व्यक्त गर्दै सबैको जीवनमा सुख, शान्ति र समृद्धि छाओस् भन्ने कामना गरेका छन्।