ब्रह्मयोगमा अन्तर्वीणा

बेलाबेलामा हामीले जसरी सहयोगको अपेक्षा गरिरहेका हुन्छौं, त्यस्तै अरूले पनि सहयोगको अपेक्षा गरिरहेका हुन्छन्। अरूलाई सहयोग गर्नु अध्यात्मको महत्त्वपूर्ण आयाम हो । सहयोगको भावना हाम्रो चेतनाको विकासका लागि पनि शुभ हुन्छ । शारीरिक: यसमा वास, गास अनि कपासको आवश्यकता हुन्छ। यो अति आवश्यक कुरा हो। यसको अभावमा जीवन चलाउन गाह्रो हुन्छ। मानसिक: यसमा शान्ति, सुरक्षा, सहयोग, सम्मान र स्वास्थ्यको कामना हुन्छ।

जीवनका लागि यो पनि आवश्यक छ। आध्यात्मिक: यसमा परमशान्ति, आन्तरिक आनन्द अनि परमसत्यको कामना आउँछ। सामान्य भाषामा यसलाई मोक्ष पनि भनिन्छ। पूरै विश्वमा सनातन धर्ममा मात्र मोक्ष प्राप्तिका लागि प्रयास गरिन्छ। हामी सबै आआफ्नो क्षमता र कर्मअनुसार यस जीवनका आवश्यकताहरूलाई कम वा बढी पूरा गर्दै जीवनयात्रा गर्दै जान्छौं तर हामीले सरल र सन्तुलित जीवन नै जिउनुपर्छ। पहिलो र दोस्रो आवश्यकता धेरै उपयोगी र आवश्यक छन्। जसरी पनि यसलाई प्राप्त गर्नुपर्छ।

यसको प्राप्तिको क्रममा धैर्य वा इमानदारी राखिएन भने मानिस असत्यको बाटोमा लागिहाल्छ। यस्तो गलत कार्यले जीवनलाई झन् कठिन स्थितिमा पुर्‍याउँछ। तेस्रो आवश्यकता अन्तिम र प्रमुख आवश्यकता हो। यसलाई प्राप्त गर्नका लागि केही खास गर्नुपर्दैन। जसले पनि यसलाई प्राप्त गर्न सक्छ। शिक्षा, जाति, उमेर, धर्म वा स्थानसँग यसको सम्बन्ध छैन।