भूकम्पले क्षतिग्रस्त जाजरकोट दरबार पुनर्निर्माणका लागि बजेट स्वीकृत

१७ कात्तिक २०८० को जाजरकोट भूकम्पबाट क्षतिग्रस्त यी संरचनाहरूको पुनर्निर्माणका लागि बजेट स्वीकृत भएको प्रतिनिधिसभा सदस्य खडकबहादुर बुढाले बताए । सांसद बुढाका अनुसार उक्त क्षतिग्रस्त संरचनाहरूको निर्माणका लागि ४८ करोड रुपैयाँ बजेट स्वीकृत भएको छ ।

सेतो दरबारका लागि २० करोड, रातो दरबारका लागि आठ करोड र जिल्ला अदालत भवनका लागि २० करोड रुपैयाँ स्वीकृत भएको छ । आवश्यक स्वीकृति प्राप्त भइसकेकाले छठ पर्व लगत्तै ठेक्का प्रक्रिया अघि बढाउने र सम्भवतः २०८३ सालको वसन्त पञ्चमीदेखि निर्माण कार्य सुरु गर्ने लक्ष्य राखिएको सांसद बुढाले बताए ।