सरकारको सामूहिक प्रतिवादको तयारीमा विपक्षी, के गर्लान् हर्क साम्पाङ ?

नेकपा एमाले र नेपाली कम्युनिष्ट पार्टी आन्दोलनमै निस्किने तयारीमा जुटेका छन् । यद्यपि घोषणा भने गरेका छैनन् । नेपाली कांग्रेस, राप्रपा, जसपा नेपाल लगायत पनि सरकारका गलत कदमप्रति सशक्त प्रतिवाद गर्ने निष्कर्ष छन् । २० कात्तिक, काठमाडौं ।

दुई तिहाइ नजिकको लोकप्रिय जनमत पाएर प्रधानमन्त्री बनेका बालेन शाह नेतृत्वको सरकारले शृङ्खलाबद्ध गल्ती नरोकेको भन्दै विपक्षी दलहरू सामूहिक प्रतिवादकै निष्कर्षमा पुगेका छन् । नेकपा एमाले र नेपाली कम्युनिष्ट पार्टी आन्दोलनमै निस्किने तयारीमा जुटेका छन् । यद्यपि घोषणा भने गरेका छैनन् । नेपाली कांग्रेस, राप्रपा, जसपा नेपाल लगायत पनि सरकारका गलत कदमप्रति सशक्त प्रतिवाद गर्ने निष्कर्ष छन् ।

‘एउटा गल्तीका घटनालाई ओझेलमा पार्न अर्को गल्तीको कदम चाल्ने’ नीतिमा देखिएको सरकारले पत्रकारहरुमाथि नै धरपकड गरेपछि विपक्षी दलहरुले तत्काल संघीय संसद बैठक बोलाउन माग गरेका छन् । ‘सरकारलाई हामीले रचनात्मक सहयोग गर्दै आएका हौं । रसुवा बाढीमा एक करोड सरकारी कोषमा बुझाएर कार्यकर्ताहरु उद्धारमा परिचालित भएका हौं,’ कांग्रेसका सचेतक निश्कल राई भन्छन्, ‘तर सरकारले गल्तीको शृङ्खला नरोकेपछि प्रतिवादमा आवाज उठाउन बाध्य हुँदैछौं ।