काठमाडौँमा ६ घण्टामै ३१.२ मिलिमिटर वर्षा, अन्य कहाँकहाँ पर्‍यो पानी?

वर्षाले केहीबेर काठमाडौँको उडान नै प्रभावित भएको थियो। नेपाल मौसम विज्ञान विभागले हल्कादेखि मध्यमसम्म वर्षा हुने आँकलन गरेपछि त्यो भन्दा बढी असिनासहितको वर्षा काठमाडौँमा भएको हो।

विभागमा रेकर्ड भएको वर्षा मापनअनुसार आज उपत्यकाका ३ जिल्लासहित इलाम, संखुवासभा, सोलुखुम्बु, सिन्धुपाल्चोक, लमजुङ, गोरखा, तनहुँ, स्याङ्जा, म्याग्दी, गुल्मी र रोल्पामा वर्षा भएको छ। उपत्यकाबाहेक अन्य जिल्लाहरुमा हल्का मात्रै वर्षा भएको छ।

अहिले संखुवासभामा वर्षा जारी छ भने अन्य क्षेत्रमा वर्षा रोकिएको छ।