२ मोटरसाइकल ठोकिँदा लाग्यो आगो, १ जनाको मृत्यु, ४ घाइते

बर्दियामा दुई मोटरसाइकल एकआपसमा ठोक्किँदा १ जनाको मृत्यु भएको छ। घटनामा ३ जना गम्भीर र १ जना सामान्य घाइते भएका प्रहरीले जनाएको छ। बाँसगढी नगरपालिका- ५ मोतिपुर जंगलस्थित भित्री सडकखण्डमा भे.५ प ९१६१ र भे.११ प ८५६७ नम्बरका दुई मोटरसाइकल आपसमा ठोक्किँदा गुलरिया नगरपालिका-११ बस्ने २४ वर्षीय ओमकार थारुको मृत्यु भएको हो। यस्तो छ घाइतेहरूको विवरण १. भे.११ प ८५६७ नम्बरको मोटरसाइकल चालक बर्दिया बारबर्दिया नगरपालिका ३ बानियाभार बस्ने २५ वर्षीय आशिष थारु।

टाउकोमा चोट लागी अवस्था गम्भीर। २. सोही मोटरसाइकलमा पछाडि सवार बर्दिया बाँसगढी नगरपालिका ७ बस्ने १८ वर्षीय रमन थारु । टाउको र मुखमा सामान्य चोट लागी कौशिल्या अस्पताल बाँसगढीमा उपचारपश्चात् डिस्चार्ज भई सकेको। ३.

भे ५ प ९१६१ नम्बरको मोटरसाइकल चालक भारतको लौकाइ बस्ने १८ वर्षीय सहाबुदिन खान। टाउको र अनुहारमा चोट लागी अवस्था गम्भीर। ४. सोही मोटरसाइकलमा पछाडि सवार भारतको लौकाइ बस्ने २०/२२ वर्षीय जमाल खान । टाउको, मुख र अनुहारमा चोट लागी अवस्था गम्भीर।