धार्मिक पर्यटनमार्फत नेपाल-भारत सम्बन्ध जोड्दै बडीकेदार धाम

नेपाल र भारतबीचको ऐतिहासिक, धार्मिक तथा सांस्कृतिक सम्बन्धलाई थप सुदृढ बनाउँदै सीमापार धार्मिक पर्यटन प्रवद्र्धन गर्ने उद्देश्यले डोटीको प्रसिद्ध धार्मिकस्थल बडीकेदार धामको प्रचारप्रसार भारतको पलियामा गरिएको छ । २१ कात्तिक, काठमाडौं । नेपाल र भारतबीचको ऐतिहासिक, धार्मिक तथा सांस्कृतिक सम्बन्धलाई थप सुदृढ बनाउँदै सीमापार धार्मिक पर्यटन प्रवद्र्धन गर्ने उद्देश्यले डोटीको प्रसिद्ध धार्मिकस्थल बडीकेदार धामको प्रचारप्रसार भारतको पलियामा गरिएको छ ।

आगामी मंसिर ५, ६ र ७ गते बडीकेदार धाममा आयोजना हुने बृहत् मेलालाई लक्षित गर्दै भारतीय सञ्चारकर्मीसँग पत्रकार सम्मेलन गरिएको हो। सम्मेलनमा बडीकेदार धामको धार्मिक महिमा, ऐतिहासिक महत्त्व, पर्यटकीय आकर्षण, दर्शन तथा पूजाआजाको परम्परा र भारतीय भक्तजनलाई सहज रूपमा धामसम्म पुग्ने वातावरण निर्माणका विषयमा जानकारी गराइएको थियो । उनले बडीकेदार धाममा आयोजना हुने मेलामा राष्ट्रिय तथा अन्तर्राष्ट्रिय धार्मिक पर्यटक र भक्तजनको सहभागिता बढाउनुका साथै भारतीय पर्यटकलाई मेलामा मात्रै सीमित नराखी वर्षभरि नै नियमित दर्शन तथा पूजाआजाका लागि आउने वातावरण निर्माण गर्न खोजिएको बताए ।

बडीकेदार धामलाई नियमित धार्मिक पर्यटनको गन्तव्यका रूपमा विकास गर्न समितिले योजनाबद्ध रूपमा काम गरिरहेको कार्यकारी अधिकृत गणेश जोशीले बताए ।