‘जग्गा सट्टापट्टाको प्रस्तावमा मुख्यसचिवले जिम्मा लिनुपर्छ’

विराटनगरको जग्गा सट्टापट्टाको निर्णयबाट भ्रष्टाचार भएको भन्ने उजुरीको अनुसन्धानका क्रममा अख्तियारमा बयान दिँदै डा. रिजालले त्यसमा मन्त्रिपरिषद् कार्यालय जिम्मेवार हुनुपर्ने बयान गरेका हुन् । १९ कार्तिक, काठमाडौं । नेपाली कांग्रेसका नेता एवं पूर्वमन्त्री डा.

मिनेन्द्र रिजालले मन्त्रिपरिषद्मा पेश हुने प्रस्तावको बारेमा मुख्यसचिव जिम्मेवार हुनुपर्ने बयान दिएका छन् । विराटनगरको जग्गा सट्टापट्टाको निर्णयबाट भ्रष्टाचार भएको भन्ने उजुरीको अनुसन्धानका क्रममा अख्तियारमा बयान दिँदै डा. रिजालले त्यसमा मन्त्रिपरिषद् कार्यालय जिम्मेवार हुनुपर्ने बयान गरेका हुन् । ‘कानून सम्मत प्रस्ताव भए नभएको हेर्ने जिम्मेवारी मन्त्रिपरिषद्को सचिवालयको हो’ उनले बयानमा भनेका छन्, ‘कानून सम्मत नभएको प्रस्ताव मन्त्रिपरिषद्‍ बैठकमा पेश गर्नु हुँदैन ।

’ रिजाल क्यानिङ कम्पनीका संस्थापक सदस्यहरूसँग आफ्नो १३ दिने नातेदारी भएपनि ६ पुस्ताअघि नै पारिवारिक सम्बन्ध अलग रहेको बताएका छन् । उनले आफू त्यो ठेगानामा २०४२/४३ सालदेखि नै नबसेको जिकिर पनि गरे । अख्तियारले उनीमाथि नातेदारहरूलाई लाभ पुग्नेगरी ‘स्वार्थको द्वन्द्व’युक्त निर्णय गरेको आरोप लगाएको थियो । उनले निर्णय हुँदा ‘हदबन्दी भन्दा बढी जग्गा राख्न छुट दिने सम्बन्धी कार्यनीति, २०६२’ मा व्यवस्था भएको समितिको निर्णय भएको दाबी गरे ।