टी२० विश्वकपमा न्युजिल्यान्डविरुद्ध शतक बनाएका युवराज पोखरा एभेन्जर्समा अनुबन्ध

नेपाल प्रिमियर लिग (एनपीएल) को तेस्रो संस्करणका लागि पोखरा एभेन्जर्सले क्यानडाका ब्याटर युवराज सम्रा र यूएईका बलर मारुफ मर्चेन्टलाई अनुबन्ध गरेको छ। २० वर्षीय सम्राले क्यानडाका लागि १९ ओडिआई र २० टी२०आई खेल खेलेका छन् ।

उनले टी२० आईमा १ शतक र ३ अर्धशतकसहित ५८६ रन बनाएका छन्। ओपनिङमा आक्रमक ब्याटिङ गर्ने युवराज सम्राको आगमनले पोखराको टप अर्डरमा सहयोग मिल्नेछ।

कुशल भुर्तेलको कप्तानीमा रहेको पोखराले यसअघि बंगलादेशका शकिब अल हसन, महेदी हसन र मोहम्मद सैफुद्दिन तथा श्रीलंकाका चमिका करुणारत्ने, धनन्जय लक्षण र सदिरा समराविक्रमालाई अनुबन्ध गरेको छ।