लुटपाटमा संलग्नलाई पक्राउ गर्न काठमाडौँ प्रहरीले चलायो गोली

काठमाडौँको गोकर्णेश्वर नगरपालिकास्थित गाम्छामा लुटपाटमा संलग्न अभियुक्तलाई प्रहरीले गोली हानेर पक्राउ गरेको छ। बिहीबार साँझ जिल्ला प्रहरी परिसर, काठमाडौँको टोलीले ३१ वर्षीय सुजन तामाङलाई एक राउन्ड गोली हानेर पक्राउ गरेको प्रहरी उपरीक्षक दानबहादुर थापाले बताए।

पक्राउ परेका तामाङको घुँडामुनी गोली लागेको र उपचारका लागि ट्रमा सेन्टर लगिएको एसपी थापाले जानकारी दिए। उनी सुन लुटपाट तथा डलर साट्ने नाममा लुटपाट तथा ठगी गर्ने समूहको नाइके भएको प्रहरीको दाबी छ।