एनभिडियाको अन्तरिम सीईओमा कोलेट क्रेस नियुक्त

काठमाडौँ। अमेरिकी प्रविधि कम्पनी एनभिडियाको सञ्चालक समितिले बिहीबार प्रमुख वित्तीय अधिकृत (सीएफओ) कोलेट क्रेसलाई अन्तरिम प्रमुख कार्यकारी अधिकृत (सीईओ) नियुक्त गरेको छ। क्रेस सन् २०१३ देखि एनभिडियामा प्रमुख वित्तीय अधिकृत तथा कार्यकारी उपाध्यक्षका रूपमा कार्यरत छिन्।

एनभिडियामा आबद्ध हुनुअघि उनले सिस्को कम्पनीमा सीएफओ तथा वरिष्ठ उपाध्यक्षका रूपमा काम गरेकी थिइन्। एनभिडियाभित्र क्रेसलाई प्रभावशाली नेतृत्वकर्ताका रूपमा हेरिन्छ। उनी विभिन्न प्रविधिसम्बन्धी सम्मेलनहरूमा ह्वाङसँगै सहभागी हुँदै आएकी थिइन् भने लगानीकर्ताहरूसँगको संवाद तथा कम्पनीको वित्तीय रणनीतिमा पनि उनको महत्वपूर्ण भूमिका रहँदै आएको छ।

क्रेस ले विगतमा कम्पनीको सेयर मूल्यभन्दा पनि नयाँ प्रविधिको विकास र नवप्रवर्तनलाई प्राथमिकता दिने बताउँदै आएकी छन्। ह्वाङ तथा कम्पनीका अन्य उच्च अधिकारीहरूको तुलनामा उनको प्राविधिक पृष्ठभूमि कमजोर मानिए पनि स्थायी सीईओ बन्न सक्ने प्रमुख दाबेदारका रूपमा उनलाई हेरिएको छ।