इरानसँगको युद्ध अमेरिकाका लागि खर्चिलो बन्दै, हालसम्म ६९ खर्ब रुपैयाँभन्दा बढी खर्च

अमेरिकाको रक्षा मन्त्रालय पेन्टागनले इरानसँगको युद्धमा हालसम्म ४५.१ अर्ब अमेरिकी डलर (करिब ६९ खर्ब रुपैयाँभन्दा बढी) खर्च भइसकेको जानकारी अमेरिकी संसदलाई दिएको छ। अमेरिकी कंग्रेसमा पेन्टागनले सेप्टेम्बर ३ सम्म ४३.६ अर्ब डलर खर्च भएको जनाएको हो। त्यस्तै, इन्धनका लागि १.५ अर्ब डलर खर्च भएको जनाइएको छ। क्षति पुगेका अमेरिकी सैन्य बेस र भवनहरुको मर्मत खर्च यसमा समावेश छैन।

त्यसकारण कूल लागत अझै बढी हुने भनिएको छ। पेन्टागनले जानकारी गराएको रकम कंग्रेसको बजेट कार्यालयले अगस्ट १ सम्मका लागि तय गरेको ३८ अर्ब डलरको प्रक्षेपणभन्दा बढी हो। कार्उयालयका अनुसारका अमेरिकाको युद्ध खर्च प्रतिमहिना २ देखि ३ अर्ब डलरसम्म पुग्ने अनुमान छ। गोली, बम र हतियारमा ठूलो रकम खर्च भइरहेको जनाइएको छ।

युद्धका कारण सन् २०२७ को पहिलो त्रैमासिकमा मुद्रास्फीति बढ्ने र अमेरिकी अर्थतन्त्रमा थप दबाब पर्ने चेतावनी यसअघि नै दिइएको थियो। The post इरानसँगको युद्ध अमेरिकाका लागि खर्चिलो बन्दै, हालसम्म ६९ खर्ब रुपैयाँभन्दा बढी खर्च appeared first on BIZMANDU .