छठले जीवनका हरेक अवस्थालाई सम्मान गर्न सिकाउँछ– प्रधानमन्त्री बालेन

छठ पर्वका अवसरमा शुभकामना सन्देश जारी गर्दै उनले उदाउँदो सूर्यलाई जस्तै अस्ताउँदो सूर्यलाई पनि उत्तिकै श्रद्धा र सम्मानका साथ अर्घ्य दिने परम्पराले जीवनको गहिरो दर्शन सिकाउने बताएका हुन्। भगवान् सूर्यदेव र छठी माताको आराधना गरी मनाइने यो पर्व परिवारको सुख, शान्ति, आरोग्य र सन्तानको दीर्घायुको कामना गर्दै मनाइने उनले उल्लेख गरेका छन्। चार दिनसम्म विधिपूर्वक मनाइने छठको पहिलो दिन नहाय–खाय र दोस्रो दिन खरना गरिन्छ।

तेस्रो दिन साँझ अस्ताउँदो सूर्यलाई र चौथो दिन बिहान उदाउँदो सूर्यलाई जलाशयको किनारमा अर्घ्य दिने परम्परा रहेको उनले बताएका छन्। छठ पर्वले सबैमा सकारात्मक ऊर्जा भर्दै देशमा सुशासन, सामाजिक न्याय र समृद्धिको सङ्कल्प पूरा गर्ने प्रेरणा प्रदान गरोस् भन्ने कामना गर्दै उनले भगवान् सूर्यदेव र छठी माताको कृपा सबैमा रहिरहोस् भनेका छन्। ‘छैठके बहुत रास शुभकामना!

दीनानाथ आ छैठ परमेश्वरी सब के जीवन में सुख, शान्ति आ समृद्धि लइथिन से कामना करैछि,’ उनले भनेका छन्।