शिक्षामन्त्री वा प्रधानमन्त्रीसँग मात्रै वार्ता गर्ने अडानमा डा. केसी

डा. केसीले शिक्षा तथा खेलकुदमन्त्री वा प्रधानमन्त्रीसँग मात्र वार्ता गर्ने शर्त राखेका छन्। अरुसँग गरिएको सहमति कार्यान्वयन नहुने गरेकाले अब शिक्षामन्त्री वा प्रधानमन्त्रीसँग मात्रै वार्ता गर्ने उनको भनाइ छ। डा.

केसीसँग वार्ता गर्न सरकारी वार्ता टोली बुधबार साँझ शिक्षण अस्पताल पुगेको थियो। डा. केसीले आफ्ना शर्त सुनाउँदै सरकारी वार्ता टोलीलाई फिर्ता पठाइदिएका छन्। सरकारले बुधबार मात्रै वार्ता टोली गठन गरेको थियो।

चिकित्सा शिक्षा सुधारका अभियन्ता डा. केसी एक सातादेखि सत्याग्रहमा छन्। इलाममा सत्याग्रह सुरु गरेका केसीको स्वास्थ्यमा समस्या आएपछि काठमाडौं ल्याइएको हो।