थाई गाँजासहित भारतीय नागरिक पक्राउ

काठमाडौँ। प्रहरीले त्रिभुवन अन्तर्राष्ट्रिय विमानस्थलबाट थाइल्याण्डबाट ल्याएको लागुऔषध गाँजासहित एक जना भारतीय नागरिकलाई पक्राउ गरेको छ । पक्राउ पर्नेमा भारतीय नागरिक २५ वर्षीय सुवोध कुमार छन् ।

बिहीबार थाई एयरवेजको उडा नम्बर टिजी–३१९ मार्फत काठमाडौँ आएका भारतीयको साथबाट ३ केजी थाई गाँजा बरामद गरिएको लागुऔषध नियन्त्रण ब्यूरोका एसपी दुर्गा रेग्मीले रातोपाटीलाई बताए । उनी थाइल्याण्डबाट गाँजा लिएर काठमाडौँ आएका हुन् । थाई गाँजा काठमाडौँ ट्रान्जिट भएर सड्क मार्ग हुँदै भारततर्फ तस्करी हुने गरेको छ ।

आरोपीमाथि ब्यूरोले अनुसन्धान गरिरहेको छ ।