एआई प्रविधिमा लगानी बढाउने र सहकार्य सुदृढ गर्ने ईयूको तयारी

युरोपेली संघका नेताहरूले डब्लिनमा सम्पन्न अनौपचारिक बैठकमा कृत्रिम बुद्धिमत्ता प्रविधिको विकास, लगानी विस्तार र सदस्य राष्ट्रबिचको सहकार्य सुदृढ गर्ने प्रतिबद्धता व्यक्त गरेका छन्। युरोपेली परिषद्का अध्यक्ष एन्टोनियो कोस्टाले प्रविधिमा बाह्य निर्भरता घटाउन सार्वजनिक तथा निजी क्षेत्रबाट लगानी परिचालन गर्नुपर्नेमा जोड दिए।

आयोगकी अध्यक्ष उर्सुला भोन डर लेयेनले सातवटा एआई केन्द्र स्थापना गर्न ३० अर्ब युरो र समग्र प्रविधिगत आत्मनिर्भरताका लागि ५०० अर्ब युरो लगानी आवश्यक पर्ने बताएकी छन्। बैठकमा युक्रेन द्वन्द्वको शान्तिपूर्ण समाधानका लागि बेलायत, फ्रान्स, जर्मनी, इटाली र पोल्यान्डसहितको संयुक्त वार्ता टोली गठन गर्ने सहमति पनि भएको छ।

ईयूले युक्रेनलाई आर्थिक सहयोग र रुसमाथि २२औँ चरणको प्रतिबन्ध लगाउने योजना बनाएको छ। एआईको सामाजिक प्रभावबारे सन् २०२७ को शिखर सम्मेलनमा छलफल गरिनेछ।