स्काउटलाई ब्रेसलेट दिँदै भावुक बनिन् लव, खोलिन् मनको कुरा

सलमान खानले सञ्चालन गरिरहेको शोमा दिवालीको उत्सवसँगै एउटा यस्तो क्षण देखिएको छ, जसले घरभित्रका सदस्यदेखि बाहिरका दर्शकसम्मको ध्यान खिचेको छ । शोमा लव गिलले स्काउट ओपीसँगको आफ्नो सम्बन्धलाई लिएर खुलेर बोलेकी छन् । उनले स्काउटलाई ब्रेसलेट दिँदै आफूले उनलाई बहिनीका रूपमा स्वीकार गरेको संकेत गरेकी छन् । ‘बिग बोस २०’ को पछिल्लो ‘वीकेंड का वार’ दिवाली विशेष बनेको थियो । यस अवसरमा शोमा विभिन्न कलाकार तथा गायक पुगेका थिए । उनीहरूले दर्शक, प्रतियोगी र सलमान खानलाई मनोरञ्जन प्रदान गरेका थिए ।

कार्यक्रममा मोहित चौहान, हार्डी सन्धु, स्ट्यान्डअप कमेडियन गौरव गुप्ता, करण जोहर र जैस्मिन स्यान्डलस पुगेका थिए । उनीहरूको प्रस्तुतिले दिवालीको माहोललाई थप रमाइलो बनाएको थियो । ‘बिग बोस २०’ को नयाँ प्रोमोमा लव गिल र स्काउट ओपीबीचको भावनात्मक क्षण देखाइएको छ । लवले स्काउटलाई ब्रेसलेट दिँदै आफूले उनलाई बहिनीका रूपमा स्वीकार गरेको बताएकी छन् । प्रोमोमा लव भन्छिन्, ‘एउटा पर्व अझै बाँकी छ, त्यो राखीको । म एक बहिनीका रूपमा तिमीलाई यो ब्रेसलेट दिन चाहन्छु ।

दुनियाँले हाम्रो बारेमा जे भने पनि मलाई तिम्रो बारेमा सबै थाहा छ । हामी मानिसहरूको सोच बदल्न सक्दैनौं। मलाई तिमीमाथि विश्वास छ र तिमीप्रति गर्व छ । ’ लवको यो भनाइले उनीहरूबीचको सम्बन्धलाई नयाँ अर्थ दिएको छ ।